|
|
|
CARNERVALE 2010
CHE SPONTA !!!
Orpo! Se fa presto a dir che sponta. Ma cossa te gà sponto ?
Una bestia ? Un spin ? Un ago ?
Questo xè el problema! No che tipo de sponta che te ga
ciapà, ma cossa che xè sta a sponzerte.
La faccenda merita una analisi aprofondita.
Xè talmente tante le robe che sponzi in sto mondo: bestie,
piante,ogeti, umani…che gavemo solo
l’imbarazo dela scelta.
Perché se xè una bestia anche se picia la pol
esser ssai cativa.
Cossa xè de più picio e cativo dele mosche
cavaline?
E volemo meter le zanzare tigre, quele no te dà pase specie
de note.
Anche i scorpioni te pol far sai mal ma almeno i xè un poco
più grandi.
Grandi xè anche i porcospini, ma xè meio no
andarli a carezar.
Po’ xè le piante che le te frega: le xè
bele e te ghe va rente e magari le te sponzi come le rose che te va per
sentir el profumo, te le ciol in man e te se sponzi.
Per no parlar dei cardi, quei no te li ciol in man, ma co te ghe camini
vizin te se sponzi eccome!
Per no parlar de tute le robe che se dopra a casa o fora ogni giorno se
no te sta atento te ciapi certe sponte! Uno per tuti el puntaspili.
Sempre pien de aghi in tuti i versi e se no te sta ben atento sa che
sponte!
A meno che le robe no te le sponzi ti per far strighezi come con le
bamboline wodoo dove te fichi el spilon e te fa el strighezo.
Ma i pezo xè i umani, quei xè tremendi specie
co’ i ciapa qualche roba pericolosa in man.
Varda cossa che ga fato Akab a quela povera balena coi sui arpioni.
O tuti quei indiani che ga impinì Custer de frece!
E senza andar tanto lontan pensemo al nostro Omo Vespa che imperversava
da San Giacomo a Roian
Ma ala fin fine noi gavemo paura solo de ela la zanzara, quela che ne
rompi giorno e note co le sue sponte e che noi dela Bora gavemo
pensà come simbolo dela sfilata e che gavemo messo sul caro!
Allora ocio ale sponte!
|
|
|
 |
|
